الاسم: خميس نصر 
بلدنا عايشة في شقا
شعر:خميس نصر
يا شعب قرر بقى دقّت ساعات الجد
دى بلدنا عايشة في شقا والدمع سيل عالخدّ
مشتاقة وقت اللقا من ناس تكون عالقد
هاتوا عصابة الشقا على رجلها تتمدّ
المصلح اللي اتّقى لازم إيديه تشتد
ويشيل مشاعل هدى والطمّاعين تنهدّ
إختار أمل أمتك ناس طيبة وصالحين
خضّر بقى سكتّك سيبك من السارقين
وغنّي أغنيّتك على لحن تقوى ودين
إوعى اختيارك يكون لحاجة شخصية
لازم قرارك أكيد يحتاج لتضحيّة
علشانها دارك وجارك والولاد ديّة
اختارنا يامة اللي بيسقّف وبيبلّم
عاوزين نشوف اللي يتصدق ويتكلّم
ويحسّ بينا إذا واحد بيتألم
كتبها خميس نصر في 11:24 مساءً ::
لا يوجد تعليق